a - e - i - o - u

Mataas o kaya mababa,
Sasayaw ba o kakanta,
Bata ka man o matanda,
Malungkot ka ba o masaya.

Gatas kaya o kape,
Bulaklak ba o tsokolate,
Magkumare o kumpare,
May himala o swerte.

Sa pula o sa puti,
Tama ba o mali,
Babae kaya o lalaki,
Umaga man o gabi.

Ikaw ba o ako,
Malapit ba o malayo,
Barong o kaya kimono,
Ingles man o Filipino.

Muslim o Hindu,
Mapaisa o sampu,
Sultan man o datu,
Si Magellan o Lapu-lapu.


Gawa Ni: AK®

- Totoo -

Sana ako'y mapansin,
kahit sa isang simpleng tingin.
Siguro ako'y hihimatayin,
pero wag mo akong alalahanin.

Ako'y napapasayaw kahit walang musika,
iisiping magaling kahit parehong kaliwa ang paa.
Mapapakanta kahit sa tunog lang ng daliri,
iisiping ako'y nasa tono kahit hindi.

Hindi naman siguro lingid sayo,
na ikaw ay gusto ko.
Sasabihin ko na sayo ng diretso,
baka kasi makuha ka pa ng kung sino.

Kahit nakatikom man aking bibig,
matang kumikislap ay di maikubli.
Kung ang iniisip ko'y kaya mong basahin,
tiyak magtatago na ako sa isang tabi.

Pwede naman siguro na ako na ang mauna,
nararamdamang nais ko nang ipadama.
Matagal na ito kung nais mong malaman,
wala lang lakas ng loob na sayo'y ipaalam.

Pag-amin ko siguro'y ikagugulat,
reaksyon mo'y di nais masaksihan,
Pero tatanggapin sagot mo kahit anu pa yan,
ayos lang kahit ako'y masaktan.

Mahal lang kita kaya nagkaganito,
nararamdaman ko'y di na maitago.
Hirap lang kasi magkunwari,
harapin ka na kaibigan lang ang turing.


Gawa Ni: AK®

- Wagas -

Habang papalapit,
lalong nananabik.
Masilayan kang kumakanta,
lubos sana ang tuwa.

Ngunit luha'y di paawat,
di mapigilan ang pagpatak.
Mata'y namumula,
hapdi ang dala.

Mga komentong nagkalat,
sabik sa darating na rakrakan,
napakaimportanteng araw,
hindi ko pa mapuntahan.

Tengang pilit na umiiwas,
sa mga kanta mong di mabura sa utak.
Lalo kasing nanghihinayang,
minsan nga ay nakakaurat.

Nakakapanghina kasi ng loob,
puso'y nabalot ng lungkot.
Nag-intay din ng ilang taon,
at ngayon di pala makanood.

Pero wag isiping hindi ako masaya,
wala ng hihilingin pa ang isang tagahanga.
Wagas aking kasiyahan sa mga biyaya,
na ipinagkaloob sayo ng Diyos Ama.

Sa darating na araw na iyon,
wala man ako sa iyong paglingon,
asahan mong buong puso ko't kaluluwa,
Ako'y nakatayo, pumapalakpak at nakasuporta.


Gawa Ni: AK®

- Sigaw -

Sumabog na lang bigla,
Bibig na walang preno sa kakadada,
Ingay niyang walang patutunguhan,
Dahil sa asawang buong araw gumala.

Pati dumaan ay sinisigawan,
Tumatawang mga bata ay nagtakbuhan.
May kumpareng nais sanang umareglo,
Binulyawan lang siya't problema daw nila ito.

Hinagis mga plato at kawale,
Mga tsimosa'y palingon-lingon kunwari,
Tama na, sambit ng lalaki,
Bakas ang pagkahiya at di na raw mauulit.

Nakita kasi siya ng isang kumare,
Nakipag-inuman sa kanto at may kasamang babae.
Kaya pala nanggigigil itong si misis,
Parang dragon na umuusok sa galit.

Kaya panay tanggi itong si mister,
Kahit pa raw ihampas ang ulo niya sa pader,
Konting suyo't kiliti lang pala katapat ni kumander,
Marami pa tuloy nagliparan sa ere.


Gawa Ni: AK®

- Tula -

Pinupulot bawat letra,
Pinagtagpi-tagping mga salita,
kumakawala sa utak,
parang mga ibon sa ulap.

Bawat salita'y pinag-iisipang mabuti,
Kung ito ba'y babagay o hindi,
minsan kusa na lang nabubuo,
swak agad bawat dulo.

Bawat tula ay parang pag-ibig,
Hindi mo mawari kung bakit,
bigla bigla na lang lumilitaw,
nararamdaman mo'y kusang sumisingaw.

Katulad din ng isang balita,
kumakalat na lang bigla,
nakakarating saan mang kanto,
nililipad gamit ang bibig ng kung sino.

Parang buhay lang din natin,
minsan mahirap at minsan madali,
minsan masaya at minsan hindi,
hawak mo kung anuman ang mangyayari.

Tulad ng isang tula,
ikaw lang may kakayanan,
isulat ang iyong gusto o maisipan,
kung paano mo tatapusin ang nasimulan.



Gawa Ni: AK®

- Bigkas -

Pansin mo ba?
kanyang mga kataga,
kay sarap pakinggan,
pati kaluluwa'y napapalundag.

Susungkitin daw mga bituin,
para ika'y mapasaakin.
Lalakbayin ang pinakamataas na bundok,
mapatunayan lang na ikaw ang tinitibok.

Puso kong matagal nang naghahanap,
sinta kong kay tagal na pinangarap.
Marinig lang matamis na "Oo",
hinding hindi ka mabibigo.

Pagsinagot mo na,
ilang buwan ay maayos pa.
Malalaman mo na lang bigla,
matatamis na salita ay sinawalang bahala.

Pag-aktong iiwan mo na,
ayan na naman si makata.
Sisisirin daw ang karagatan,
huwag ka lang lumisan.

Hanep itong si Juan kung magsalita,
parang sasali lang sa balagtasan.
May paluhod-luhod pang nalalaman,
animo'y aktor sa pelikula.

Kaya ikaw huwag papadala,
mga matatamis na salitang bigkas niya.
Maaaring maganda sa iyong pandinig,
marami na rin pala kayong pinakilig.


Gawa Ni: AK®

- Bungad -

Sa bawat pagdating ng dapit hapon,
kasunod nito ay kadilimang babalot,
hindi ibig sabihing lalamunin ito ng lungkot,
dahil kinabukasan ay may liwanag na sasakop.

Ngumiti at harapin ang umaga,
sandaling manalangin at magpasalamat,
Panginoon naman kasi ang may alam ng lahat,
ibibigay naman sayo ang nararapat.

Kung di man maganda ang simula,
wag kang malugmok o madismaya,
manatiling positibo sa lahat ng gagawin,
sasaya ka rin kung iyong nanaisin.

Hindi naman kasi laging maginhawa,
dadaan ka rin sa hirap o problema,
isipin mo lang na ito'y pagsubok,
para lalo kang tumibay at hindi susuko.



Gawa Ni: AK®
05-02-11

- Eh Kasi Naman -

Sino ba ang may sabing mahalin ka?
kung alam ko namang may mahal kang iba.
Sinu ba ang may sabing magpakatanga?
kahit alam ko naman na walang mapapala.

Pero ayos na rin ang ganito,
mapansin mo lang masaya na ako,
kahit nga ngiti ay kontento na ako,
lalo pa kung ako'y lalapitan mo.

Hindi na ako hahangad pa ng sobra,
kasi alam ko namang hindi uubra,
kahit pa ilang beses magnovena,
kung ang laman naman ng puso mo ay iba.


Gawa Ni: AK®
05-01-11

- Magkaibigan -

Sadyang pinagtagpo ng tadhana,
May iba't ibang kinaugalian,
Iba-iba ang pinagmulan,
Pero pinagbuklod para maging magkaibigan.

Ilang buwan at taong magkakasama,
Nalaman pagkakapareho't pagkakaiba,
Tinanggap kung anu't sino ka,
Naging kampanti agad sa isa't isa.

Mag-iisip ng magiging tawagan,
Mapamaganda o korny pa man,
basta't may koneksyon o anu man,
Sasang-ayon kahit anu pa yan.

Tawanan dito, tawanan doon.
Iyakan dito, iyakan doon.
May karamay ka na sa kahit anung sitwasyon,
Pagmayproblema man may mapaghihingahan ng loob.

Higit pa sa kapatid ang turingan,
Sanggang dikit ika nga ni Juan.
Ipagtatanggol ka kahit kanino,
Reresbak kahit saang gulo.

Sa paglipas ng panahon,
Samahan ay tumatag at buo.
Magkaasawa't magkaanak di magbabago,
Pangako sa isa't isa ay hanggang sa dulo.

Minsan may hindi pagkakaunawaan,
Iniintindi nalamang para di na lumala,
Maaayos din yan bukas o sa makalawa,
Parang wala lang nangyari diba?

Samahan na ito'y walang tatalo,
Bumaha o bumagyo, kahit magunaw ang mundo.
Lahat gagawin para sa bawat isa,
Para lahat ay lumigaya.

Samahang ito'y walang makakasira,
May lumayo man o makilalang iba,
Matututunang tanggapin para sa ikabubuti nya,
Mananatili sa puso magpakailanman.


Gawa Ni: AK®

- TAKOT -

Pwede ko bang masilip,
Mga natitirang araw dito sa daigdig.
Nais ko lang malaman,
Mga mangyayari kinabukasan.

Gusto ko lang maging handa,
kung sakali na ako'y mawala,
magawa lahat ng gusto,
malibo't ang buong mundo.

Pwede kaya yun?
Pagbibigyan kaya ako ng Panginoon?
Seryosong hiling naman,
walang halong biruan.

Paano kung tanungin ako ng bakit?
Paano ko siya sasagutin?
Pwede bang, trip ko lang?
Ba ka bigla akong masapak.

Siguro takot lang ako.
Dati sabi ko, handa na ako.
Anu man mangyari ay tanggap ko.
Diyos lang ang may hawak ng sagot.

Ngunit ngayon pa lang nagiging masaya.
Nagagawa mga bagay na dati sa utak lang.
Ayaw kong matapos ito bigla,
mawala ng parang bula.




Gawa Ni: AK®
03-23-11

- RIP -

Naglulupasay sa isang tabi,
Pilit ginigising ang katabi.
Ngunit ito'y walang kibo't imik,
Di na mabubuhay pang muli.

Luha'y bumubuhos,
kasing bilis ng ilog na umaagos.
Di malaman anung dahilan,
Nagmamakaawang tanong sa kalangitan.

Walang sagot na narinig,
Kailanman hindi na magbabalik.
Kasama na siya ng Panginoon,
Ang nagbigay sa atin ng buhay ngayon.

Sobrang sakit lang na tanggapin,
Maging masaya'y kay hirap gawin.
Tadhanang nakalaan sa atin,
Hindi malaman kung kailan darating.

Ikaw ay mananatili sa puso't isip,
May luha man sa matang di mapawi.
Huling sulyap ko ay ngingiti,
Dahil sa dulo ng paraiso ay magkikitang MULI.


Gawa Ni: AK®
03-14-11

- KILIG -

Mukha mong kumakawala sa utak,
Ngiti mong humuhugis sa ulap.
Di maiwasang hindi ka maisip,
Bawat saglit ay ikaw ang bukang-bibig.

Amoy mong parang hanging nalalanghap,
Dating palang ay parang buhawi na kay lakas.
Sinlamig ng yelong natutunaw sa kilig,
Giniginaw kahit ang araw ay sobrang init.

Anu bang meron ka at ako'y napapatulala,
Parang may kung anung gayumang di malaman kung san nagmula.
Titig mo'y nakakapanghina na sa hiya,
O kaya'y bati mo pa lang, puso'y napapalundag na sa tuwa.

Ngunit bakit paminsan minsan lang kita nakikita,
Sinasadya mo lang ba yan para mamiss kta.
Para ka kasing kabuteng sumusulpot na lng bigla,
Tapos sa isang idlap, bigla ding nawawala.


Gawa Ni: AK®
03-01-11

- Sana -

Pilit na pinipikit ang mata,
inaalala ang hugis ng iyong mukha,
na unti-unting nabubura,
sa utak kong ikaw lang ang nais makita.

Kay damot naman ng panahon,
isang beses lang di pa maipagkaloob,
malaman lang pangalan mo, ok na ako,
sa puso kong nag-aantay ng isang milagro.

Hiling ko'y kahit isang araw lang,
O kaya'y minuto o kahit segundo lamang,
makita kang muli at aking makilala,
O kahit phone number lang, pwede na.



Gawa Ni: AK®
02-08-11
*knina toh habang nsa jeepney ako,ehehehe..

- Dasal -

Andito sa isang sulok,
Tulala at walang kibo,
Nakalutang ang utak,
Di alam kung san mahahanap.

Epekto ng pagkahiya,
Di alam kung bakit nagawa.
Hindi ko nman sinasadya,
Pero huli na nung maisip bigla.

Hndi ko alam kung panu ipapaliwanag,
Isang dasal lang, nagdalawang isip pa.
Hndi ko alam aking sasabihin,
nakayuko at pailing-iling.

Patawad aking sambit,
sa isang mahiwagang taong kay bait,
na laging andyan lng sa malapit,
handang tumulong kung ako'y gipit.

Buti at nagkalakas loob,
ninanamnam bawat letrang tugon,
ramdam ko ang presensya mo,
sa pagmulat ng mata'y nasilayan ko.

Salamat aking Ama,
sa walang sawang pagsuporta,
mga gabay at iyong biyaya,
na lagi lagi kong pinagdarasal.


Gawa Ni: AK®

- Alas 12 -

Alas 12 na ng gabii,
Nakatunganga lang sa isang tabi.
Nakatingin at nakatitig sa langit,
Na wari'y isang malawak na hardin.

Ang sarap lumipad,
Na parang ibong kumawala sa ulap,
na nais abutin ang kalangitan,
upang ang araw ay makamtan.

Pero bakit ganito ang buhay,
nakabalot sa gabing kay dilim,
parang butas ng karayom,
na kay hirap pasukin.

Buti pa ang mga bituin,
naglalakbay san man nila gustuhin.
walang kukuntra khit anumang gawin.
masaya lang at walang proproblemahin.

kelan kaya magiging katulad nila,
Gusto ko lang maging malaya.
masaya at walang iniintinding problema,
kasing himbing ng tulog na walang katulad.



Gawa Ni: AK®
*01-16-11*

Isang Araw

Napapadungaw sa sasakyan,
Nagbabakasakaling ika'y masilayan.
Sa lugar kung saan ika'y bumaba
At lugar kung saan huli kang nakita.

Kelan kaya ulit magtatagpo,
Iisang rota na papuntang ponciano.
Masusulyapan kaya ulit ang ngiti mo,
At maririnig ang salita mong dko alam kung ano.

Paano nga kaya?
Kung isang araw magkasabay na lang bigla.
Hahayaan bang lumayo ka ulit at bumaba?
Tulad nung una tayong nagkita.


Gawa Ni: AK®
*01-12-11*

Ina sa Anak

Isang tinig na pumukaw sa pagkakahimbing,
Dulot sa tenga neto'y pagkabiglang iling,
Ngunit pagmulat ay ngiti ang hatid,
Sa taong matagal na palang di nakapiling.

Ikaw nga, sambit ng utak.
Dali-daling lumapit at sayo'y yumakap.
Bakas sa mata mo ang pagsisisi't luha,
Ngunit nangingibabaw ang pagkasabik at tuwa.

Titigan sa mata'y kay lalim,
Panay haplos sa mukhang animo'y may dumi.
Patak ng luha'y di na mapigil,
Dahil sawakas ay nakita kang muli.

Mukha mo'y may bahid ng pagkahiya,
Nais magpaliwanag, ngunit di alam san magsisimula.
Patawad, iyong mahinang bulalas.
Isang napakagandang ngiti, sukli ng ina.



Gawa Ni: AK®
*01-11-11*

Iba-Iba

Ang ating mundo ay puno ng kulay,
maaaring itim, puti o pula,
minsan berde, dilaw o bughaw.
Kaya silipin, tignan at mamangha,
haraping nakangiti ang bawat umaga,
pwdeng bukas o sa makalawa ay mabago na,
O kaya pagsapit ng dilim ito'y mawala.

Bawat oras ay napakahalaga,
Maraming bagay nangyayari at mangyayari pa.
Pahalagahan ang bawat sigundo,
Isapuso mga natutunan at wag kalimutan.
Hindi tayo mananatili rito habangbuhay,
Dahil darating ang panahon at oras,
Na tanging Panginoon lang ang may takda.

Binigyan tayo ng pagkakataon,
Mabuhay ng malaya at sa kanya'y naaayon.
Nasasayo kung magiging mabuti ka,
O pipiliing maging masama.
Bawat desisyon sayo manggagaling,
Mga salitang bibitiwan ay dapat isipin,
Responsibilidad mo ang mga hakbang na tatahakin.



Gawa Ni: AK®
*09-26-10*

Magulang

Bigay kayo ng Maykapal,
Para sa aming mga anak.
Upang kami'y palakihin at alagaan,
Sa wasto ninyong pamamaraan.

Simula't umpisa pa ng aming buhay,
Kayo na ang naging karamay.
Sa bawat problemang aming nadadaanan,
Lagi kayong nariyan na umaalalay.

Sa mga oras na nagkakamali,
Handa kayong umunawa at umintindi.
Walang sinumang makakahigit,
Sa pagmamahal ninyong walang kapalit.

Alam ng Diyos na kami'y nagpapasalamat,
Sa lahat ng bagay na inyong ginawa.
Sa pagmamahal na walang hanggan,
At pag-aalaga ng habangbuhay.

Kapalit ng lahat ng ito,
Gusto naming sabihin na mahal namin kayo.
At hindi namin kakalimutan,
Ang inyong mga pangaral magpakailanman.


Gawa Ni: AK®
*02-15-05*

Buwang Nakalipas

Isang buwan matapos ng ika'y masilayan,
Harap-harapang nalapitan at nakamayan.
Nagpakilala at sinabing iniidolo kita,
Ika'y nagpasalamat at may magandang ngiti sa mukha.

Di ko akalaing ito'y mangyayari,
Dati pangarap at minimithing sandali.
Laking pasasalamat at ako'y pinagbigyan,
Paghanga ko sayo'y iyo pang dinagdagan.

Walang kasiguraduhan kung kelan ka makikita muli,
Pinapangarap na sana buwan-buwan, dito ay may gig.
Nakakatawang isipin dahil alam kong imposible,
Kaadikan nga naman, sabi ng marami.

Sana sa muling pagkikita ako'y maalala,
Pangalan mo'y isisigaw ng malakas sa madla.
Mapamalayo o malapit, hinding-hindi mahihiya,
Susuporta't ipagmamalaki dahil ako'y SOLIDONG tagahanga.


Tula para sa aking iniidolo na si Yeng Constantino..:) Nagawa ko toh, month after ng una ko cyang nkilala ng harap-harapan..:) saya netoh..:)

Gawa Ni: AK®
*03-08-09*

Petisyon

Minsan may mga araw na dumaan,
Sinisisi ang aking sarili,
Ano ba ang kasalanan?
May nagawa bang kamalian.

Buong oras at panahon ko,
Sa iyo lamang nakasentro.
Lagi ka na lang naiisip,
Ninanais na ika'y makapiling.

Laging may lungkot,
Lagi na lang umiiyak.
Lagi ring umaasa,
Pero pakiramdam ko'y katapusan na.

Ayaw kong mag-isa,
Gusto ko'y makasama ka.
Ayaw ko ng mahirapan,
Sana'y bumalik ka na.

Ang puso ko ay para lang sayo,
Pero ngayon akin ng napagtanto.
Binuksan aking puso't isipan,
Na kailanman, hindi na mabubuo.


Gawa Ni: AK®
*10-08-10*

- Ewan Lang -

Nakalutang ang utak,
mukhang wala sa sarili.
Nakikinig ng mga kanta,
ngunit prang balewala.

Andito nga sa opisina,
pero wala namang ginagawa.
Nakaharap nga sa computer,
pero wala namang internet.

Meron namang pwdeng laruin,
kaso wala namang gana.
Nanginginig na sa sobrang lamig,
kaso wala namang jacket.

Eto nga may tasang dala-dala,
ngunit wala namang kape.
kaya eto, hawak ang ballpen at papel,
pero ang sinusulat eh walang kwenta.

Haaay araw nga naman.
Minsan maganda,
Minsan hndi!!!


Gawa Ni: AK®
*06-11-09*

Saloobin

Inaakalang ang araw ay sisikat,
Kikislap at magbibigay liwanag.
Sa buhay kong nabalot sa kadiliman,
Kung saan kahirapan ang dahilan.

Akala ko'y pwde ng kumawala,
Lumipad tulad ng isang ibong malaya.
Ngunit bakit pilit hinahampas ng hangin,
Kinakadena ng kahapong ayaw tantanan.

Bakit ganito ang buhay,
Mahirap ka na nga, dinidiin pa.
Sadyang napakadaya naman,
Kay lupit mo talaga.

Sana'y marinig ang diwang nais ipahiwatig,
Maghari sa puso ang ligayang nais makamit.
Sa gayun ay mapawi ang luha't pagkamuhi,
At magliyab ang sinag ng kaginhawaan sa daigdig.


Gawa Ni: AK®
*06-27-09*

BSIT Rules

God crossed our path together
To shared bonding & laughter
Each of us has its different personality
We shared it to bring the best quality

We were flexible in every little way
Were making fun in whatever we share to say
Mocking around with somebody
Making fond in each others company

Talking about school, other thing specially boys
That make us more enjoy & loud noise
In every situation you’re always there
To help & support to a friend who you care

Our friendship is one of a kind
That no other group of friends can find
I wish our friendship last forever
Until we were getting older


Written By: Shyne Mangubat

_” FLOR “,_

Poem na gawa ng friend kung c Shyne para s'kin..:)


Flor is the name, small but terrible;
Being friend with her is incredible;
We’ve been classmates during our college days;
She got talents in so many ways;

A good friend & a good listener;
Are the best traits that I loved about her;
She’s simple & determined person I know;
Devoted to everything she does & shows;

This poem I wrote is a seal;
That my friendship for you is real;
As years go by, our foundation still strong;
Always remembered forever just like song.


Written By: Shyne Mangubat
*09-22-08*

Sana Ako Siya

Mahalin ka ay parang isang napakabigat na desisyon,
Ang dali mong napalapit at di man lang namalayan ng puso ko.
Cguro iniisip mong naguguluhan lang ako at nalilito,
Pero gusto kong malaman mo na matino pa ang pag-iisip ko.

Simple lang naman kaya kita minahal,
Hindi ka naman kagwapuhan gaya ng inaasam ng karamihan,
Hindi ka naman masyado matalino pero may sense ka naman kausap,
At hindi pilit ang tawa mo kundi natural para mapasaya ako.

Ayaw ko mang mainlove sayo ng lubusan,
Pero di ko maiwasang mahulog sayo ng tuluyan.
Ang tagal ko ng itinatago ito,
At ngayon gusto ng sumabog at kumawala ng buong-buo.

Alam kong kayhirap nitong tanggapin,
Mahal kita pero mahal mo cya,
Kaibigan kita at kaibigan ko rin cya,
Ba't parang pinaglalaruan ata tayo ng tadhana.

Sana hindi na lang tayo naging magkaibigan,
Para malaya kong maipahayag sayo ang aking nararamdaman.
O kaya naman sana hindi ko rin cya naging kaibigan,
At para hindi na ako ngayon nasasaktan.


Gawa Ni: AK®
*01-25-09*

Walang Kasiguraduhan

Minsan naaalala ko pa rin,
Mga oras na pinagsamahan natin.
Puno ng saya at tawanan,
Kung may problema man ay agad ring nawawalan.

Minsan nagkakaroon tayo ng argumento,
Pero marami ka namang solusyon nito.
At kung ito’y parang medyo komplikado,
Hindi ka na sa akin pa nakikipagtalo.

Pinapalakas mo ang loob ko sa tuwing ako’y nanghihina,
Pinapasaya naman kita bilang ganti sa lahat ng iyong ginagawa.
Sabi mo nga na sa araw-araw na tayo’y magkasama,
Mas minahal mo ako dahil sa mga maliliit na bagay na aking ipinapadama.

Ngayon kay sakit isipin na mamumuhay tayong malayo sa isa’t isa,
Ngunit nais kong tanggapin natin na ang mundo ay mahiwaga.
Hindi natin alam kung bakit, hindi natin alam kung kailan,
Meron kang sariling buhay at ako rin naman.


Gawa Ni: AK®
*01-28-09*

Paano Na

Akala ko noon, madali lang magmahal,
Pero bakit ganito ako’y nasasaktan.
Akala ko ito’y maaayos pa,
Ngunit ako’y nagkamali, kay hirap pala.

Hindi na talaga natuto
Ang puso kong nagsusumamo
Ano pa ba ang tanging nais mo.

Buong buhay ko’y minahal kita,
Halos pagkatao mo’y sinamba ko na.
Pero bakit ito nangyayari pa?
Puso ko ba’y nagkamali? O paano na?

Ang saya ng buhay pagkapiling ka,
Ngunit di ko akalaing ika’y mawawala.
Ano ba ang nagawa ko’t ako’y niloko mo?
Minahal naman kita ng totoo.


Gawa Ni: AK®
*10-08-08*